Жезқазған кен байыту фабрикасының еңбеккері, зілтемір көтеруден республикалық, халықаралық жарыстардың жеңімпазы Айнұр Шәріпова Қырғызстан мемлекетінде өткен Орталық Азия чемпиондарының «Алтын барыс» турнирінде топ жарды.
Бүгінде зілтемірді көтерудің бірнеше әдісін меңгерген Айнұр айырқалпақты ағайындардың жерінде біздің өңірдің ғана емес, республикамыздың дәрежесін де биіктетіп қайтты.
– «Күш атасын танымас» дейді ғой. Жаратылысым нәзік болса да осы спорт түрімен шұғылданғаныма әсте өкінішім жоқ. Міне, тағы бір титулды еңсердім. Бұл мен үшін зор қуаныш. Спортпен кәсіби түрде шұғылданған соң оның нәтижесін көрсеткен дұрыс деп білемін. Осы жолғы жеңісімді Жезқазған кен байыту фабрикасының 70 жылдығына тартуым деп білемін. Мені қолдап, сенім білдірген басшылыққа, «КәсіпҚорған» кәсіподағына ерекше алғысымды білдіремін. Қолдауларыңызға ризамын, – деді чемпион.
Бағдат ҚАЗКЕНОВ.
