Қазақстан Республикасының Президенті Қасым-Жомарт Тоқаев таяуда сөйлеген сөзінде кәсіби кадрларды даярлаудың қалыптасқан жүйесін қалпына келтіру, әсіресе техникалық бағыт мәселесін қозғады.
«Мәселен, білікті кадрлардың, әсіресе техникалық мамандардың жетіспейтініне шағымданудың орнына, неге ірі бизнес колледждерге қамқорлық жасамасқа…», – деп атап өтті Қасым-Жомарт Тоқаев.
Бұл тәсілдің тамаша үлгісі «Қазақмыс» колледждері: Сәтбаев технологиялық колледжі және Балқаштағы политехникалық колледж болып табылады. Бұл колледждер 2008 және 2009 жылы ашылды.
Бүгінгі таңда 2 колледжде жалпы алғанда 910 студент білім алуда, бұл алдағы уақытта Холдинг қатарын толықтыратын 910 жаңа маман еліміздің техникалық әлеуетінің жаңа буынына айналады деген сөз.
Біздің компания колледждерде оқуға байланысты барлық шығындарды өз мойнына алады: студенттерге шәкірт ақы төлейді, жолақысын төлейді, жетім балалар мен ата-анасының қамқорлығынсыз қалған балаларға материалдық көмек көрсетеді.
Жоғары білікті кадрларды даярлау оннан астам түрлі мамандықтар бойынша жүргізіледі, олардың ішінде «Техник-электр механик», «Техник-геолог», «Техник маркшейдер», «Техник-механик», «Электрмеханик» және басқалар. Оқыту барлық бағыттар бойынша дуальды жүйемен жүргізіледі.
Біздің колледждерде тамаша материалдық-техникалық база бар. Мысалы, Сәтбаев қаласындағы технологиялық колледждің инфра құрылымы оқу корпустарымен, спорт залымен, асханамен, оқу кабинеттерімен, заманауи оқу жабдықтарымен, компьютерлік техникамен, зертханалармен және шеберханалармен жабдықталған. Балқашта студенттерге 4 зертхана мен 3 шеберхана қызмет көрсетеді.
Оқуды аяқтап, білім туралы диплом алғаннан кейін корпоративтік оқу орындарының барлық түлектеріне «Қазақмыс» Холдингі компанияларының құрылымдық бөлімшелерінде жұмыс істеуге кепілдік беріледі.
«Қазақмыс» корпорациясы» ЖШС баспаөз қызметі.
