Тамыздың үшінші жексенбісі елімізде спортшы күні ретінде атап өтіледі. Осы мерейлі мереке Жезқазған қаласында да бар сән-салтанатымен өтті.
Жезқазған қаласының 70 жылдығымен тұспа-тұс келген биылғы мереке Алғашқы құрылысшылар алаңында спорт ардагерлеріне құрмет көрсету, үздік спортшыларымызға қала әкімінің сыйлығын табыс ету және спорт пен дене шынықтыру саласында еңбек етіп жүрген жерлестерімізге лайықты марапат жасау мақсатында ұйымдастырылды.
Кеште қаламыздың спорт саласының қызметкерлеріне Жезқазған қаласының Құрмет грамотасы, қала әкімінің Алғыс хаты табысталды. Кәсіби мерекеде Жезқазған қаласының әкімдігі тарапынан спорт саласының майталмандарына «Олимпиадалық спорт түрлері бойынша жылдың үздік спортшысы», «Олимпиадалық спорт түрлері бойынша жылдың үздік жаттықтырушысы», «Олимпиадалық емес спорт түрлері бойынша жылдың үздік спортшысы», «Олимпиадалық емес спорт түрлері бойынша жылдың үздік жаттықтырушысы», «Бұқаралық спорттың үздік спортшысы», «Спорт ардагерлері арасындағы үздік спортшы», «Үздік төреші», «Ең үздік спорт мектебі, клубы» деген аталымдармен 8 номинация бойынша арнайы сыйлықтар табыс етілді.
Гүлім МАРАТҚЫЗЫ.
Сондай-ақ оқыңыз
