«Қазақмыс» корпорациясы» ЖШС Балқаш өндірістік алаңындағы өнеркәсіп нысандарының техникалық инспекторлары арасында «Үздік қоғамдық инспектор-2023» байқауы өтті.
Бұл байқауға «КәсіпҚорған» кәсіподағы ұйытқы болды. Қоғамдық инспекторлардың жұмысын ынталандыру мен белсенділігін арттыруды көздеген байқау үш кезеңнен тұрды. Байқауға өңірдегі 12 цехтан қоғамдық инспектор қатысып, олар «Менің жұмысымның қорытындысы», «Мен бақылауды қадағалаймын» сұрақ-жауап кезеңдері бойынша биылғы жылдың 11 айында атқарған жұмыстарын баяндап, техника қауіпсіздігі және еңбекті қорғау бойынша сұрақтарға жауап берді.
Балқаш өндірістік алаңындағы қоғамдық инспекторлардың ауызбіршілігі мен бір-біріне деген демеуіне іштей риза болдық. Тәжірибелі инспекторлар Дмитрий Самонов, Самғат Жылтинов, Арман Амирзин жастарға қолдау көрсетті.
Байқау қорытындысында бірінші орынды Ернат Еркебек жеңіп алса, Әлия Байғалақова екінші орынды еншіледі. Тимур Бадығұлов үшінші орынға ие болды.
Қоғамдық инспекторлардың өндірістік қауіпсіздікті нығайтудағы еңбегін елеген «КәсіпҚорған» кәсіподағы Балқаш филиалына қатысушылар алғыстарын білдірді.
Бәтима Дүйсембаева, «КәсіпҚорған» кәсіподағы Балқаш филиалының аға қоғамдық инспекторы.
