Көлік саласы қызметкерлерінің мерекесі шеңберінде «Транко Экспресс» ЖШС қарасты автобус паркінің басшылығы мен «КәсіпҚорған» кәсіподағы комитеті бірлесіп автобус, орташа жүк көлігі және жеңіл көлік жүргізушілері арасында байқау өткізді.
Техникаларды талапқа сай игеріп, жүргізу, қауіпсіз адам және жүк тасымалын ұйымдастыру шараларына баса мән берген арнайы комиссия үздіктерді анықтады. «Транко Экспресс» ЖШС филиалының директоры Наурызбай Мейрамов жеңімпаздарды марапаттауға қатысып, құттықтауын арнады.
Автобус жүргізушілері арасында І орынды Дабыл Ахметов алса, ІІ орынға Николай Ковалев ие болды. ІІІ орынмен Мұхамеддали Хамбамбаев тұрақтады. Орташа жүк көлігі жүргізушілерінен Нұржан Сүйіндіков І орынды, Павел Богдан ІІ орынды жеңіп алса, Ермұхан Өтеулиновке ІІІ орын бұйырды.
Жеңіл көлік жүргізушілерден І орынды Ернар Арынов алса, ІІ орынды Мадияр Насурла еншіледі. Бағдат Лебаевтың қанжығасына ІІІ орын бұйырды.
Бағдат ҚАЗКЕНОВ.
