«Қазақмыс» корпорациясының ірі жүк тасушы серіктесі саналатын «Транко» АҚ еңбеккерлерінің арасында шағын футболдан турнир өтті.
Балқаш қаласын дүбірге бөлеген бәсекеде «Транко» АҚ өңірдегі филиалдары ала доптан шеберліктерін байқатты. Жезқазған аймағынан жарысқа «ТранкоЖез» ЖШС командасы қатысып, намысты қорғады. Нәтижесінде жарыс жолында «ТранкоЖез» ЖШС жүлдегерлер қатарына ілігіп, үшінші орынды иеленді.
Командаға «Транко Жез» ЖШС басшылығы мен «КәсіпҚорған» кәсіподағы қолдау білдірді.
Бағдат ҚАЗКЕНОВ.
