Сары мысымен әлемдік бренд қалыптастырған «Қазақмыс» корпорациясы өндіріс ошақтары орналасқан аймақтарды қамқорлығына алу, оның экономикасын көтеру қағидатын берік ұстанған.
Еңбеккерлердің рухани, мәдени тұрғыдан дамуына, спортпен шұғылданып, белсенді әрі салауатты өмір салтын ұстануларына да корпорация жағдай қалыптастырып отыр. Мұнан бөлек, «Қазақмыс» құрылымдарының ұжымдарының арасында ұлттық құндылықтарды дәріптеудің де маңыздылығы артып келеді.
Халқымыздың салт-дәстүрін, әдет-ғұрпын кейінгі жастарға насихаттауда да корпорация басшылығы мен еңбеккерлері жаңа бастаманы қолға алды. Олар әр жұма сайын халқымыздың әр үлгіде дәстүрге сай тігілген ұлттық кимдерін киіп, дәріптеуде. Ата-бабадан мирас болып бүгінге жеткен құндылығымыздың бірі – осы ұлттық киім. Сондықтан оны өз деңгейінде, қазақы қалыпта дәріптеу келер буынға өнеге болары сөзсіз.
Бағдат ҚАЗКЕНОВ.
