Тау-кен, металлургия және аралас өндірісте еңбеккерлердің қорғаны болып табылатын «КәсіпҚорған» кәсіподағының Жезқазған филиалына қарасты комитеттердің төрағалары өндірістік нысандағы еңбек жағдайымен үнемі танысып, бақылауда ұстайды.
Бүгінгі таңда «Қазақмыс» корпорациясының өндірістік нысандарын қорғауға алған «Қорғау қызметі» ЖШС Жезқазған филиалындағы «КәсіпҚорған» кәсіподағы комитетінің төрағасы Жанна Ерғалиева ұйымның мүшелігіндегі еңбеккерлермен тікелей жүздесіп, туындаған сұрақтарына жауап береді. Жақында сондай кездесудің сәті мекемеге қарасты 1-отрядтың бірқатар нысандарында болды.
Жанна Базылқызы аталмыш отрядтың бірінші және екінші командаларының коменданттық қызметтегі күзетшілерімен кездесті. Жүздесу барысында төраға 2023-2025 жылдарға арналған Ұжымдық келісім-шарттағы бірқатар өзгерістерді атап өтті.
Сонымен қатар, бала тууға берілетін бір реттік жәрдемақы мен жақын туыстары қайтыс болған жағдайда берілетін материалдық көмектің ұлғайғанын баяндады.
Бағдат ҚАЗКЕНОВ.
