«Қазақмыс МэйнтенансСервисиз» ЖШС-нің ірі құрылымдарының бірі саналатын «Қарағандысервис» кәсіпорнының жөндеу цехы – тау-кен шахта жабдықтарының тұрақты жұмыс істеудің кепіліне айналып отыр.
«Қарағандысервис» кәсіпорнының жөндеу цехы тау-кен шахта жабдықтарының сенімділігі мен жұмыс қабілеттілігін қамтамасыз етуде маңызды рөл атқарады. Цех күрделі және апаттық жөндеулерді жүзеге асырып, сондай-ақ қозғалтқыштарды және мостыларды қалпына келтіру жұмыстарын орындайды.
Цех үш мамандандырылған телімнен тұрады. Соның бірі Гидротрансформаторлар және құрастыру телімі. Бұл телім гидротрансформаторлар мен гидромеханикалық беріліс қораптарының (КГМП) күрделі және апаттық жөндеу жұмыстарын жүргізеді. Екінші, ішкі жану қозғалтқыштарын құрастыру телімі. Телім тау-кен шахта жабдықтарындағы ішкі жану қозғалтқыштарына күрделі және авариялық жөндеу жұмыстарын жүргізеді. Мосты құрастыру телімі кәсіпорынның үшінші тірегі болып саналады. Мұнда тау-кен шахта жабдықтарының жетекші мостыларын күрделі және авариялық жөндеуді жүзеге асырады.
Сондай-ақ оқыңыз
Жөндеу цехында 15 жоғары білікті маман жұмыс істейді. Олардың арасында слесарь-жөндеушілер, электрслесарь, электргазбен дәнекерлеуші, кран машинисі, механик және инженер-талдаушы бар. Әр қызметкер жеке қорғаныс құралдарымен қамтамасыз етілген, үнемі құқықтық және өндірістік қауіпсіздік бойынша оқытудан өтеді. Бұл жұмыс барысында қауіпсіздікті және жұмыстың жоғары сапасын қамтамасыз етеді.
«Қарағандысервис» кәсіпорны жөндеу цехының басшысы Біржан Тошкеновтің айтуынша, барлық күрделі және апаттық жөндеулерде тек сертификацияланған құралдар пайдаланылады, бұл өз кезегінде қызмет көрсетудің сапасын және тиімділігін арттыруға мүмкіндік береді. Жөндеу цехы «Балқашсервис» және «Қарағандысервис» кәсіпорындарының жабдықтарын жөндеумен қамтамасыз етіп, олардың жұмысын үздіксіз жүргізуге және апаттық жағдайлардың орын алмауына ықпал етеді. Бір сөзбен айтқанда, бүгінде «Қарағандысервис» өңірдегі тынысы кең кәсіпорынға айналды.
Бағдат ҚАЗКЕНОВ.
