«Қазақмыс Смэлтинг» ЖШС Балқаш, Жезқазған қалаларындағы зауыттардың еңбеккерлерінің денсаулығына мән бере отырып, бірнеше жобаларды жүзеге асыруды қолға алуда.
Жуырда аталған екі өңірдегі металлургтер үшін жауапкершілігі шектеулі серіктестіктің басшылығы «тұзды шахта» бөлмелерін ашуды көздеп отыр. Бүгінгі таңда Балқаш қаласындағы зауытта ашылатын бөлменің жөндеу жұмыстары аяқталып, галогенератор орнатылу үстінде. Жезқазғанда бұл жобаны жүзеге асыру белсенді жүруде.
«Қазақмыс Смэлтинг» ЖШС басшылығы бұл жоба еңбеккерлердің денсаулығын жақсартуға және олардың әл-ауқатына қамқорлық жасауға бағытталған маңызды қадам деп біледі.
Жалпы, «тұзды шахта» бөлмесі тыныс алу жүйесін жақсартады. Жөтел, вирустар мен демікпені басуға, аллергияны жеңілдетуге, тері күтіміне пайдасы мол. Бөлме дерматит, псориаз бен безеулерді емдеуге көмектеседі.
Сондай-ақ оқыңыз
Бағдат ҚАЗКЕНОВ.
