Жуырда облыс әкімі Берік Әбдіғалиұлы бірқатар азаматтарды жеке мәселелері бойынша қабылдады. Мұндай қабылдаулар кестеге сай тұрақты өткізіліп, тұрғындар көтерген мәселе сала мамандарымен бірге қаралып, тиісті тапсырмалар беріліп келеді.
Облыс әкімінің баспасөз хатшысы таратқан ақпаратқа қарағанда, қабылдау барысында тұрғындар тарапынан қала және аудандарға қатысты шешуді қажет ететін негізгі проблемалық мәселе көтеріледі екен. Мәселен, тұрғындар қойған сұрақтардың басым көпшілігі автомобиль жолдарын жөндеу, білім беру, денсаулық сақтау, мәдениет \жжжжәне спорт нысандарын жөндеу және салу, сумен, газбен жабдықтау, электр желілерін жаңарту, сондай-ақ, ауыл шаруашылығы мәселелері, елді-мекендерді абаттандыру, санитарлық тазалау және экология сипатында болды.
Өңір басшысы Берік Әбдіғалиұлының қабылдауына бұл жолы үш азамат жазылған екен. Солардың бірі Александр Паламаренко өңір басшысына өзінің жер учаскесінде детайлинг орталық салуға рұқсат алу үшін өтініш білдірді.
Ал, Иманқұл Ескендіров өңір басшысына Ұлытау ауданы Пионер ауылы мен Ақтас кентінің электр желілері, ауыз су, жол мәселелерін жеткізді.
Сондай-ақ оқыңыз
Ұлытау облысы әкімінің қабылдауына келген Наталья Артемьева Жезқазғандағы тұрғын үйлердің шатырлары мен қасбеттерін жөндеуге қатысты өз пікірін білдірді. Қабылдау барысында барлық өтініш берушіге қолданыстағы заңнамаға сәйкес түсініктемелер беріліп, қажетті кеңестер айтылды.
Ізтай БЕЛГІБАЙҰЛЫ.
