Астана қаласында 18 – 19 қаңтарда үшінші мәрте «Kazlogistics Cup» турнирі өтті.
Бұл күндері логистика және көлік инфраструктурасы компаниясы саласының қызметкерлері футзалдан бақ сынасты. Қазақстан теміржолының құрылғанына 120 жыл толуына орайластырылған бәсекеге Қазақстанның көлік одағы ұйытқы болды. Бас демеуші – «Қазақстан теміржолы» АҚ, «Транко» АҚ, «NurzholCompany» және «Interlog» компаниялары.
Турнирге ел бойынша 24 команда қатысты. Солардың қатарында «Транко Жез» ЖШС командасы да болды. «Қазақмыс» компаниясының жүк тасымалын ұйымдастырушы аймақтық кәсіпорынның командасы қарсыластарын айқын басымдықпен ұтып, жеңіс жалауын желбіретті.
Бірінші орынның тұғырынан көрінген «Транко Жез» командасы осыған дейін де талай додаларда топ жарған болатын.
