Балқаш қаласындағы «Металлург» стадионында «Транко» АҚ компаниясының ұйымдастыруымен «Транко Петралог», «Транко Жез», «Транко Экспресс», «Tранко Балқаш» «Транко Нұра» ЖШС командалары және «Tranco industrial railway transportation» ЖШС командасының қатысуымен шағын футболдан жарыс өткізілді.
Жарыстың ашылу салтанатына «Tranco industrial railway transportation» ЖШС Бас директоры Алексей Каташев қатысып, командаларға сәттілік тіледі.
Жарыс нәтижесі бойынша «Ең үздік қақпашы» номинациясын «Транко Жез» командасынан электровоз машинисінің көмекшісі Ерболат Мирашов, «Ең үздік шабуылдаушы» номинациясын «Транко Петролог» жанар-жағармай құюшысы Ақжол Камал және «Ең үздік қорғаушы» номинациясын «Транко Балқаш» командасынан жылжымалы құрамдарды жөндеу слесары Рүстем Бейсембаев иеленді.
Командалар арасында III орынды «Транко Петралог» командасы, II орынды «Транко Балқаш» командасы еншіледі. Бәсекеде «Транко Жез» командасының бағы жанып, І орынды жеңіп алды. Айта кетейік, бұл – Көлік қызметкері күніне орай теміржолшылар арасында жыл сайын ұйымдастырылатын дода.
Сондай-ақ оқыңыз
Бағдат ҚАЗКЕНОВ.
