Сәтбаев қаласындағы «төменгі аумақ» аталып кеткен 15В, 16, 8, 9-орамдарын абаттандыру түйткілді мәселелердің бірі болатын. Келер жылы осы аумақта ауқымды жұмыстар жүргізуді жоспарлап отыр.
Жоба аясында 35 мың шаршы метр болатын асфальт жабындысы төселеді.
– Тұрғындар тарапынан осы аумақтағы жарықтандыру мәселесі жиі көтеріледі. Сондықтан, 30-ға жуық жарық шамдарын және бестен аса балалар ойын алаңдарын орнатамыз, – дейді Сәтбаев қаласының әкімі Мұрат Бөрібаев.
Былтыр қаланың төменгі бөлігіне 6 футбол алаңы орнатылған екен. Алайда, оның сапасы сын көтермегені жасырын емес. Алдағы жылы оларға ағымдағы жөндеу жұмыстары жүргізілетін болады. Жалпы, қаланың төменгі бөлігіне ауқымды жобалар жоспарлануда.
Сондай-ақ оқыңыз
Ай НУРИ, Ізтай БЕЛГІБАЙ.
