«Қазақмыс» корпорациясы» ЖШС еңбеккерлерінің «Jastar Bolashaq» Жастар одағының жұмысындағы басты мақсаты – еңбеккерлердің бос уақытын спорттық ойындармен, әртүрлі іс-шаралармен қамтамасыз ету.
Спортпен шұғылданатын жастар дені сау, денесі ширақ, қандай қиын жұмыс болмасын батыл орындағыш мықты азамат болады. Оның бәрі біздің қоғамымыз үшін де өте маңызды. Осы орайда «Қазақмыс Мэйнтенанс Сервисиз» ЖШС «Jastar Bolashaq» Жастар одағының мүшелеріне арнайы шағын футболдан турнир ұйымдастырылды.
Ойын қызықты және тартысты түрде өтті. Ойыншыларымыз жарыс барысында доп алып жүгіру техникасы, нәтижелі пас беру, қақпаға допты тура бағыттау жағынан көзге түсе білді. Команда капитандары өз ойыншыларын алға сүйреп, шыдамдылық пен төзімділікке баулып, ойын шиеленіскен уақытта жігерлендіре білді.
Турнир қорытындысы бойынша бірінші орынды тау-кен, шахта жабдықтары зауытының «Арландар» құрамасы жеңіп алса, екінші орынды Сары-Оба кенішінің құрама командасы еншіледі. Ал, үшінші орынның жүлдесі «Модуль» командасына бұйырды. Жалпы бұл, уақытты ұтымды жұмсай алатын әр адам үлкен жетістіктерге жете алатынын дәлелдеген жарыс болды.
Бағдат ҚАЗКЕНОВ.
