«Жошы хан» тарихи-мәдени кешенінде Жезқазған қаласы әкімдігінің ұйымдастырумен «Жошы ұлысының орталығы Ұлытау – еліміздің тағылымды тарихының куәсі» атты ғылыми-теориялық конференция өтті. Келелі кеңестің тізгінін Қайрат Әбсаттаров ұстады.
Ғылыми-теориялық конференцияға Ұлытау облысының әкімі Берік Әбдіғалиұлы қатысып, сөзсөйледі. ОблыстықмәслихатхатшысыБауыржанШыңғысовқатысты.
Мемлекет басшысы Қасым-Жомарт Тоқаевтың «Ұлытау-2019» халықаралық туризм форумында: «…Біз Алтын Орданың негізін қалаған Жошыханның есімін ұлықтауды міндетті түрде қолға алуымыз қажет. Оның тарихи тұлғасына әлемнің назарын аударып, кесенесін мәдени туризм нысанынаайналдыру – өте маңызды міндет» деп айтқаны күні кеше сияқты еді. Қысқа мерзімде қаншалықты елеулі өзгеріс болғаны көпшіліктің көз алдында.
Ұлы Дала тарихының жылнамасын парақтаған сайын алдан түрлі сауал шығады. Көне дәуірде Ертағы атанған тау не себепті Ұлытау атанды? Жошы ұлысының орталығы осы Ұлытау өңірінде болуының сыры неде? Жошы ұлысы несімен ерекшеленеді және Ұлы Дала жұртына қандай ықпалын тигізді? Жошы кім және оның Ұлыс ханы ретіндегі ұстанымы мен мақсаты қандай болды? Орда Базар қандай қала болған, оның ел басқару ісіндегі астаналық қызметі қандай?
Тарихғылымдарының докторы, Қазақ Білім академиясының академигі, Мемлекет тарихы институты директорының орынбасары Бүркіт Аяғанның – «Ұлытау өңірі, Жошы ұлысы, Алтын Орда – Қазақ хандығы тарихында», Ө. А. Байқоңыров атындағы Жезқазған университетінің оқытушысы, тарих ғылымдарының магистрі Қабдол Әуезовтің – «Ұлытау – Жезқазғанөңіріндегі Алтын Орда кезеңі ескерткіштерінің зерттелуі», өлкетанушы, тарихшы, археолог Ләззат Сембинованың «Болғанана ескерткіші: деректер мен зерттеулер» атты баяндамасына жоғарыдағы сауалдар арқау болды.
Ғылыми-теориялық конференцияда баяндамалар мен жарыссөзге шығушылар пікірі негізінде ұсыныс қабылданды.
Әли БЕК.
