ҚР Сыбайлас жемқорлыққа қарсы іс-қимыл агенттігінің Ұлытау облысы бойынша департаменті Абай атындағы мектеп-интернатының оқушыларымен кездесу өткізді. Іс-шара «Сыбайлас жемқорлыққа қарсы мектеп» жобасы аясында ұйымдастырылды.
Азаматтардың бойына жас кезінен бастап жемқорлыққа қарсы мәдениетті қалыптастыру – кезек күттірмес қадамдардың бірі. Көптеген сараптамалар жастай берген тәрбие «жас шыбықты игендей» игі нәтиже беретіндігін көрсетуде.
Спикерлер оқушыларға сыбайлас жемқорлықтың қоғамға тигізетін зияны, оның алдын алу жолдары мен заңнамалық негіздер туралы ақпарат берді. Ұйымдастырушылар осындай кездесулер жастардың құқықтық сауаттылығын арттыратынына сенімді.
Кездесу барысында департамент өкілдері интерактивті форматта оқушылармен пікір алмасып, түрлі мысалдар арқылы жемқорлық әрекеттерінің салдарын түсіндірді. Жас буын өз ойларын ортаға салып, қоғамның адал мүшесі болуға бағытталған сұрақтарға жауап берді. Аталған жоба аясында өңірдің басқа да білім ордаларында осындай кездесулер жоспарланған.
Сондай-ақ оқыңыз
Гүлім МАРАТҚЫЗЫ.
