Сондай-ақ оқыңыз
Ата-бабамыздан бері қарай халқымыз бие сүтін, яғни қызымды түрлі дертке шипа, адам бойына күш-қуат беретін сусын ретінде қадірлеп келеді.
Бие сүтін мұздатылған ұнтақ күйінде өндірудің заманауи технологиялары қалыптасты. Іргеміздегі Қарағанды өңірінде «Saumal» брендімен мұздатылған ұнтақ сүт өндіріліп, Біріккен араб әмірлігіне, Қытайға саудаланып жатыр. Тың әдіспен өндірілген өніммен қамту ауыр өндіріс жағдайында еңбек ететін еңбеккерлерге тиімді болып отыр. Осы орайда «Қазақмыс Дистрибьюшн» ЖШС құрамындағы жылу, энергетика кәсіпорнының цехтары мен телімдерінде «Саумал Нео» өнімін өндірушілер өздерінің жобаларын таныстырып, мұздатылған ұнтақ күйіндегі қымыздың адам ағзасына пайдасын насихаттады.
Компания өкілдері сиыр сүтіне қарағанда қымыздың қуатының әлдеқайда жоғары екендігін түсіндірді. Алдағы уақытта кәсіпорындарда бүгінгі күні сұранысқа ие болып отырған өніммен қамту жолға қойылуы мүмкін. Кәсіпорын еңбеккерлері «Саумал Нео» өкілдеріне өнімге қатысты сұрақтар қойып, жауаптар алды.
