Аймағымызда өндіріс еңбеккерлері мен жалпы жұртшылыққа қызмет көрсетуші заманауи «Жезқазған медициналық орталығы» ЖШС басшылығы емхананың жанға жайлылығын, ерекше үлгідегі дизайнмен үндестігіне мән береді.
Тіпті бұл орталықтың сәулетіне қарап, оны емхана деуге қимайсыз. Орталықта келушілерге барлық жағдай жасалған. Әсіресе, ондағы дәрігерлерге қаралуға келген емделушілерге жайлы болуы үшін кейбір қабаттарда жұмсақ жиһаздар қойылған. Мұндай ерекше талғаммен жасақталған дүниелер емделушілерге жайлылық сыйлап, орталықтан көңілді күйде шығуына себепкер болмақ. Орталықты заманауи стильде жабдықтау кім-кімге болса да оң әсер қалдыратыны сөзсіз.
Бүгінде «Қазақмыс» корпорациясының демеушілігімен заманға сай ем-дом шараларын жүзеге асыратын орталық облыс деңгейіндегі алдыңғы емдеу мекемесі болып табылады.
Бағдат ҚАЗКЕНОВ.
