Мемлекеттің өндіріс нысандарында өндірілетін тауар сапасының стандарттарға сай болуын бақылайтын ұйым «Қазақмыс» корпорациясының құрылымдарында да жұмыс істеуде. Жалпы, сапаны бақылау тиімді жұмыстың кілті болып табылады.
Халықаралық қоғамдастық жыл сайын қараша айының екінші бейсенбісінде Дүниежүзілік сапа күнін атап өтеді. Осыған орай «КәсіпҚорған» кәсіподағының Жезқазған филиалы сапаны бақылау дирекциясы қызметкерлерінің арасында спорттық жарыс ұйымдастырды.
Кәсіподақ филиалының спорттық шараны өткізудегі мақсаты – ұжым арасындағы ынтымақ пен бірлікті бекемдей түсіп, олардың спорттағы ептіліктерін байқау. Дирекция ұжымынан қатысқан әрбір команда жарыстың кез-келген сынағынан мүдірмей өтуге талпынды. Ойын нәтижесінде І орынды «Қыран» командасы жеңіп алса, ІІ орынмен «Жауынгер» командасы марапатталды. «Cuprum» командасына ІІІ орынның жүлдесі бұйырды.
Жарысқа қатысушылар кәсіби мерекеде көңілді жадыратар ойын ұйымдастырған «КәсіпҚорған» кәсіподағы Жезқазған филиалына ризашылықтарын білдіріп жатты.
Бағдат ҚАЗКЕНОВ.
