Біріккен Ұлттар Ұйымының қолдауымен 1989 жылдан бері аталып өтетін Халықаралық сапа күнін «Қазақмыс» корпорациясы назардан тыс қалдырған емес. Айтулы күнге орай «Қазақмыс» корпорациясы» ЖШС Сапа қызметінің техникалық бақылау департаменті Жезқазған өңірінің техникалық және талдамалық бақылау басқармасы қызметкерлеріне құрмет көрсетілді.
Кеніштерден фабрика, зауытқа жөнелтілетін кен сапасын бақылау мен талдау жұмыстарын жүргізудегі басқарма ұжымының еңбегіне «Қазақмыс» корпорациясы» ЖШС «Жезқазғантүстімет» ӨБ өндірістік бөлім басшысы Бауыржан Ысқақов, «Amanat» партия сы «Қазақмыс» корпорациясы» ЖШС жанындағы Ұлытау облыстық филиалының Жезқазған аймағы бойынша өкілі Әлия Өксікбаева, «КәсіпҚорған» кәсіподағы Жезқазған филиалы төрағасының орынбасары Сержан Жақсыбеков алғыс білдірді. Жезқазған өндірістік аймағындағы корпорацияның әр құрылымдарында өнімнің сапасын бақылаушылар «Қазақмыс» корпорациясы» ЖШС «Жезқазғантүстімет» ӨБ басшылығының, «Amanat» партиясы «Қазақмыс» корпорациясы» ЖШС жанындағы Ұлытау облыстық филиалының Жезқазған аймағы бойынша төрағасының, КәсіпҚорған» кәсіподағы Жезқазған филиалы төрағасының Құрмет грамоталарына ие болды. Салтанатты шарада «КәсіпҚорған» кәсіподағы Жезқазған филиалы төрағасының орынбасары Сержан Жақсыбеков кәсіподақ ұйымының өміріне белсене атсалысып жүрген Жезқазған мыс қорыту зауытындағы технологиялық бақылау телімінің түсті металдарды бақылаушысы Анжелика Ивановаға «Кәсіподақтың құрметті қайраткері» төсбелгісін табыстады.
«Қазақмыс» корпорациясы» ЖШС сапа қызметі «Метрология және өлшеу құралдарын инспекциялау» мамандандырылған кәсіпорныныңЖезқазған өңірлік басқармасының басшысы Нұрболат Сүттібаев, «Қазақмыс» корпорациясы» ЖШС Сапа қызметінің техникалық бақылау департаменті Жезқазған өңірінің техникалық және талдамалық бақылау басқармасының басшысы Айгүл Әбдікәрімова мерекелік лебізін жеткізіп, сапалы өнім шығару жолында еңбегі ерен әріптестеріне алғыстарын білдірді. Жиынды жергілікті өнерпаздар әнмен әспеттеп, мереке иелеріне көтеріңкі көңіл күй тарту етті.
Бағдат ҚАЗКЕНОВ.
