Ұлы Жеңістің 80 жылдығы мен 7 мамыр – Отан қорғаушылар күніне орай «AMANAT» партиясы Ұлытау облыстық филиалы жанындағы «Жастар Рухы» ЖҚ ұйымдастыруымен «Қайсар» әскери-патриоттық ойындарының іріктеу кезеңі өтті.
Бұл ауқымды шарада өңір жастары сарбаз жолы, шағын эстафета, снайперлік ойын және «Рухты сарбаз» ұлттық ойындарынан өзара бақ сынасты.
Жобаның мақсаты – жастарды жүйелі әскери-патриоттық қызметке тарту арқылы олардың бойында патриоттық сана мен Отан қорғауға деген құрметті қалыптастыру, азаматтық борышты өтеуге деген дайындықты арттыру. Жеңімпаз команда Қарағанды облысында өтетін республикалық «Қайсар» әскери-патриоттық ойындарына жолдама алды.
Әскери-патриоттық ойынның жоғары деңгейде өтуіне «Қазақмыс» корпорациясы» ЖШС жанындағы «AMANAT» партиясы» қоғамдық бірлестігінің Ұлытау облысының филиалы, Ұлытау облыстық қорғаныс істері жөніндегі департаменті, Жезқазған қаласының әкімдігі, Жезқазған жастар ресурстық орталығы және Экономикалық тергеп-тексеру департаменті үлес қосты.
