Барыс жылы тарих қойнауына кетіп, қоян жылы келді. Ел көңілінде қоян жылы бізге қандай жақсылық, өзгерістер әкеледі екен деген сауал да жоқемес.
Мамандардың айтуынша, қоян – өте бейбіт жануар. Олар сүйіспеншілікті, қамқорлықты жақсы көреді. Күйзеліске шыдамайды және өзіне түсініксіз дүниелерден қорқады. Сондай-ақ, олар өте жиі балалайды. Сондықтан, бұл жыл отбасын құруға, сәбилі болуға оңтайлы. Қоян жылына қатысты халық арасында әртүрлі сенім бар. Олардың бірінде қоян жылы жайлы, жақсы жыл болады делінсе, енді бірінде қиындығы мол, ауыр жыл болады деген болжам айтылады. Әр жылдың өзіне тән ерекшелігі болатынын ескеру керек.
Қоян – жыл санаудағы төртінші жыл. Шығыс жылнамасына қатысты деректерге сүйенсек, қоян жылының өзі ақ қоян, ор қоян, қара қоян, көк қоян, көкше қоян, сары қоян, қызылкөз қоян, қоңыр қоян, сұр қоян, сұрша қоян, бурыл қоян, бөрте қоян болып 12-ге бөлінеді екен. Келетін қоян жылының нақты қандай қоян жылы екенін жылнамашылар алдын ала болжап бiлiп отырған. Қытай күнтізбесі бойынша биыл Қара қоян жылы кіреді. Жалпы, қарақоян өте сирек кездеседi, жүнi көкшiл қара болып келедi. Қара қоян жылы жақындағанда өзен бойы, сулы жерлерде қара қоян көбейiп, ал тауда, керісінше жай қоян азаятын көрінеді. Сонымен қатар қысы қарсыз, қара суықты болып, тұмау көбiрек болады. Жазда малдың сүті азаяды, қара түстi малдың етiнiң дәрiлiк қуаты күшейедi деген де пайымдар бар.Қара қоян жылы туған ер баланың мiнезi қатты, қыз бала берекелi, пейiлiкең келедi дейді.
Жалпы, қоян жылының барлығына ортақ сипаты – малға жайлы, адамға жайсыздау болады деген де сенім бар. Ал, шығыс елдері таным-түсінігінде қоян адамға сәттілік алып келеді. Сондықтан бастаған іс берекелі болады деп топшылайды. Нумеролог Құралай Бақытқызы бұл жыл туралы былайша болжам жасапты:
– Жеті – тұрақсыз сан болғандықтан, ел экономикасында тұрақсыздық жиі болады. Әсіресе, жылдың алғашқы жарты жылдығында. Азық-түлік қымбаттайды, көктемде кейбір өңірлерде жылдағыдай су тасқыны болады. Осыған байланысты адамдардың бойын күйзеліс, мазасыздық пен уайым билейді. Бірақ, мұндай құбылмалы көңіл-күй уақытша. Хаостың өзі прогреске жол ашады. Адамдар өткеннен ой түйіп, сабақ алады, өз әрекетіне есеп беріп, есейеді. Қордаланғанмәселелердіңтүйінітарқайды. Өткен жылы өрт көп болды және тұрмыстық зорлық-зомбылық деңгейі өсті. Ал, 2023-те бұл жағымсыз құбылыстар басылады деп ойлаймын. Дегенмен, авиация саласындағы төтенше жағдайлардан сақтану керек. Ұшақ апаты қайталануы мүмкін. Жазда және күзде жер сілкінісі болжанып отыр. Жағымды жаңалықтар да жоқ емес. Үкімет халыққа зейнетақы бойынша жақсы бағдарламалар ұсынады. Полиция, логистика, тасымалсаласында қызмет ететін жұмысшыларды оң өзгерістер күтіп тұр.
Жалпы, елімізде жаз ортасынан кейін оң өзгерістер басталады. Жылдың 23 саны білімге жол ашатын белгі. Сонымен қатар, 7 саны бұл – инновация. Ғылым мен білім, ІТ технология дамитын жыл. Қазан-қараша наразылық көбейетін ай. Алайда, позитивті көңіл-күйге басымдық беру керек. Көңіл-күй энергияға әсер етеді. Қоян жылының элементі су болғандықтан, адамдар үнемі қимыл-қозғалыста жүруге ұмтылуы қажет, – деп болжам айтыпты нумеролог.
Интернет материалдары бойынша дайындалды.
