«Қазақмыс» қызметкерлері рафтинг бойынша экстремалды жарыстардың финалистері атанды.
«CHILIK SPRINT RACE» рафтинг жарысы Алматыда Іле Алатауының ең ірі өзені – Шілік тау өзенінде өтті. Дауылды судан төмен түсу жарысына 9 команда, әрқайсысында 6 спортшы және бір жаттықтырушыдан қатысты. Олардың қатарында біздің батырларымыз, Алматы қаласындағы «Қазақмыс» корпорациясы» ЖШС филиалының кеңсе және асхана қызметкерлері: әкімшілік бөлімінің бастығы Святослав Нигай, жүргізуші Азамат Ерсаев, жүк тиеуші Тұрар Барат, коммерциялық менеджер Асылжан Қарғабаев, аспазшы-бригадир Роман Чавычалов және аспаз Дархан Есполат бар.
Экстремалды жарыстар тау өзенінің бойында жылдамдыққа арналған қысқа жарыстардан тұрды, командалар бірнеше рет әртүрлі позициялардан бастады. Біздің рафтерлер барлық қарсыластарын жеңіп, турнирдің финалына өтіп, жоғары дәрежелі көрсеткіш көрсетіп, құрметті екінші орынға ие болды.
«Қазақмыс» корпорациясы» ЖШС
баспасөз қызметі.
