Ел Тәуелсіздігіне жол ашқан Республика күніне орай Астана қаласында Мемлекет басшысы Қасым-Жомарт Тоқаевтың қатысуымен салтанатты жиын өтті.
Онда Президент елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін бір топ азаматқа мемлекеттік наградалар табыстады.
Олардың қатарында «Қазақмыс» компаниялар Тобы кәсіпорындарының ардагерлері де бар.
«Қазақмыс Смэлтинг» ЖШС Жезқазған мыс қорыту зауытының ардагері, зауыттағы Әйтеновтер әулетінің өкілі Мұханбет Әйтенов Президент Қасым-Жомарт Тоқаевтың қолынан екінші дәрежелі «Еңбек даңқы» орденін, «Қазақмыс Дистрибьюшн» ЖШС Сәтбаев қаласы Жылу энергетика кәсіпорнының ардагері Жұмакелді Бердібаев, Балқаш қаласындағы жөндеу-механикалық зауытының майталманы Нұрғазы Қасымбеков үшінші дәрежелі «Еңбек даңқы» орденін алды.
Салтанатты жиында өнеркәсіп, транспорт, құрылыс, ауыл шаруашылығы және басқа материалдық өндіріс салаларының барлығы 76 еңбеккері «Еңбек ждаңқы» орденімен марапатталды.
«Қазақмыс» корпорациясы» ЖШС баспасөз қызметі.
