Әлемдік нарықта мыс алыбы саналатын «Қазақмыс» компаниясы өндіріс ошақтары орналасқан аймақтардың әлеуметтік-экономикалық тұрғыда нығаюына көңіл бөліп келеді.
Компания әлеуметтік жобаларды жүзеге асырудан бөлек, қиын жағдайға душар болған жандарға да демеушілік көрсетуде. Оған дәлел «Қазақмыс» жаңа жыл қарсаңында Балқаш қаласының тұрғындарына пәтер кілттерін табыс етті. Орайы келгенде айта кетейік, Балқаш қаласының «Қоңырат» шағын ауданындағы Зайцев көшесі, 22 мекенжайындағы тұрғындар өрттен зардап шеккен болатын. Компанияның әлеуметтік серіктестік шеңберінде өртке оранған баспананың иелері қоныстойларын атап өтті.
«Қазақмыс» компаниясының бұл игі бастамасына балқаштық қоғам белсенділері, меценаттар мен басқа да қоғамдық ұйымдар қолдау білдірді. Бұл қайырымдылық шарасына Серік Қасымбеков жетекшілік ететін «Жібек жолы» ЖШС, «Сарықазына», «Медная компания Конурад» ЖШС-нің «Қоңырат» корпоративтік қоры, «Мелиоратор», «Бизнесстрой2023», «НС Система» ЖШС және жеке кәсіпкерлер Ботагөз Тейлянова, Саят Есембеков, Болат Әзімбаев, Мадияр Әміржанов сынды жанашыр азаматтар белсене атсалысты.
«Қазақмыс» компаниясы қайырымдылықтан тыс қалмай, балқаштықтардың баспаналы болуына демеушілік көрсету бастамасына жергілікті әкімдік алғыс білдіріп, арнайы марапаттады.
Бағдат ҚАЗКЕНОВ.
