Ауыр өндіріс жағдайында адам өмірі бәрінен құнды. Ол үшін ең әуелі еңбеккер саналы түрде өзінің өміріне өзі жауапты екенін сезіне білуі тиіс. Бұл тұрғыда «Қазақмыс» корпорациясының құрылымдарында түсіндірме, насихат жұмыстары үнемі өтіп келеді.
Жақында «Қазақмыс Мэйнтенанс Сервисиз» ЖШС жұмысшылары арасында «Өмір және қауіпсіздік» деген тақырыпта интеллектуалды ойын өтті. «Жезқазғансервис» кәсіпорнының «Сапа, техника қауіпсіздігі, еңбекті қорғау, қоршаған ортаны қорғау» бөлімі мен «Jastar Bolashaq» Жастар одағы жүзеге асырған ойын teztap.ulytau форматында ұйымдастырылды.
Интеллектуалды ойын 6 кезеңнен тұрды. Ойын қорытындысында Энергетиктер командасы ІІІ орынға лайық деп танылды. «Шығыс» кенішіндегі «Сарыоба» жөндеу телімі ІІ орынды иеленді. Ал әкімшілік басқару қызметкерлері І орынды жеңіп алды. Бұл интеллектуалдық ойын еңбеккерлердің қауіпсіздікті бірге нығайтуға деген ұмтылыстарын байқатты.
Бағдат ҚАЗКЕНОВ.
