«Қазақмыс Смэлтинг» ЖШС Бас директоры Жәнібек Байғабеловтің төрағалығымен Жезқазған қаласында қауіпсіздік және еңбекті қорғау бойынша Орталық комитеттің жиыны өтті.
Көшпелі жиында еңбекті қорғау бөлімінің атқарған жұмысының есебі тыңдалды. Жеке қорғаныс құралдары, коммуникациялар, өндіріс барысында туындаған жайттарды зерттеу, әкімшілік-тұрмыстық ғимараттардың жағдайлары, жүргізіліп жатқан құрылыстардың жай-жапсарлары, еңбек медицинасының ахуалы талқыланды.
Отырыс «Ютария» ЖШС өндірістік-инновациялық компаниясының базасында өтті. Жиын барысында 2025 жылға арналған инженерлер мен жұмысшыларға қажетті жаңа арнайы киімнің үлгілері таныстырылды.
«Қазақмыс Смэлтинг» ЖШС басшылығының көпшілікке жеткізген жаңалығының бірі еңбекті қорғау бойынша үздік цех байқауының ұйымдастырылу болды.
