Жарты ғасыр тарихы бар «Қазақмыс Мэйнтенанс Сервисиз» ЖШС құрамындағы тау-кен, шахта жабдықтары зауытына Ұлытау облысының әкімі Дастан Рыспеков арнайы барып, ондағы технологиялармен танысты.
«Қазақмыс Мэйнтенанс Сервисиз» ЖШС Бас директоры Саят Бәкіров пен зауыт директоры Алмаз Айранбаев өңір басшысына өндіріс нысанындағы механикалық, агрегаттық және құрастыру цехтарының жұмысын баяндады.
Биылғы жылы зауыттағы кейбір цехтарда инвестициялық жоба аясында модернизациялау жүзеге асты. Заманауи әдіске негізделген екі бірдей жону станогы алынды. Бұл станоктар зауыттың өнім көлемін ұлғайту мен сапасын жақсартуға мүмкіндік беріп отыр.
«Қазақмыс Мэйнтенанс Сервисиз» ЖШС кәсіпорындары кешенді біртұтас жүйеде жұмыс істейді. Соның ішінде аталған зауыттың «Қазақмыс» корпорациясына қарасты құрылымдарды қажетті жабдықтармен қамтудағы рөлі айрықша. Атап өтетін жайт, бұл зауытта Сәтбаев қаласындағы индустриалдық және Жезқазған қаласындағы тау-кен, металлургия колледждерінің студенттерін жұмысқа қабылдау үрдісі қалыптасқан.
Сондай-ақ оқыңыз
Өндіріс ошағын аралап болған соң аймақ басшысы Дастан Адайұлы өндірісті өңірде жүздеген адамға табыс көзі болып отырған зауыттың атқарып жатқан жұмысына оң бағасын беріп, ұжымға алғысын жеткізді.
Бағдат ҚАЗКЕНОВ.
