«Қазақмыс» корпорациясы Ардагерлер кеңесінің кеншілер қаласындағы филиалы да қазыналы қарттардың халықаралық мерекесі құрметіне «Айшуақ» кафесінде дастархан жайды.
Сәтбаев қаласының әкімі Мұрат Бөрібаев, қала прокуроры Еркен Баймағанбетов, «Қазақмыс» корпорациясының Құрметті еңбек ардагері Петр Евгеньевич Борисов, «Қазақмыс» корпорациясы Ардагерлер кеңесінің басқарма төрағасы Төлеген Бүкіров пен сектор меңгерушісі Аманжан Кожухов, «Ауыл» партиясының Ұлытау облысындағы филиалының төрағасы Абзал Жиенбаев қарттарды мерейлі мерекесімен қызу құттықтап, сый-сияпат жасады.
«Ардагерлер ұйымы» республикалық қоғамдық бірлестігінің Құрмет грамотасымен Батырбек Балмұқан, Алғыс хатымен Жәми Тұрсынбаев, Ұлытау облыстық филиалының «Құрметті ардагер» төсбелгісімен Серік Әбдікәрімов марапатталды. 13 адам «Қазақмыс» корпорациясының Құрметті еңбек ардагері» атанып, 11 адам «Еңбек ардагері» төсбелгісін омырауына тақты.
Әлібек ӘБДІРАШ.
