Қарағанды құю-машина жасау зауыты машина жасаушылардың алғашқы республикалық олимпиадасын жариялайды.
Оған еліміздің түпкір-түпкірінен студенттер мен оқушылар қатыса алады. Егер машина жасаудың қыр-сырын меңгеруді армандайтын болсаң және өз білімің мен дағдыларыңды көрсетуге дайын болсаң, бұл олимпиада мол мүмкіндіктерге жол ашпақ.
Жарыс екі кезеңнен тұрады. Бұл білімділер мен өнертапқыштар бәйгесі мол тәжірибе алаңына айналады. Өз жобаң бойынша баяндама жасауға әрі бағалы сыйлықтар алуға қол жеткізесің.
Жеңімпаздарға арнайы жүлде тігілген. Олимпиаданың І орнын жеңіп алған жағдайда университеттің 4 жылға толық оқу грантының иегері атанасың. ІІ орынға жыл бойына атаулы стипендия тағайындалады. Ал, ІІІ орынға – жаңа Apple MacBook. Олимпиадаға қатыс, мүмкіндікті құр жібермей, грант ұтып ал!
Бағдат ҚАЗКЕНОВ.
