Жұмысшы мамандықтары –қоғам сұранысы. Дәл осы тақырып Ұлытау облысының колледж студенттері арасында өткен облыстық дебат турнирінің басты өзегіне айналды. Аталған сөз сайысы Жезқазған гуманитарлық колледжінде өтті.
Бұл шара жастарға жұмысшы мамандықтарының беделін арттыру, олардың сұранысын көрсету және сыни ойлау қабілеттерін дамыту мақсатында ұйымдастырылды. Турнирде облыстың 10 колледжінен 15 команда ой таластырды.
Турнир барысында өзекті тақырыптар көтерілді. Қатысушылар Американдық Парламенттік формат бойынша пікір таластырып,жұмысшы мамандықтарының қоғамдағы маңызы мен еңбек нарығындағы сұранысын талқылады.
Жеңімпаздар жоғарғы лигаға жолдама алды. Пікірсайыста ұшқыр оймен оқ бойы озық шыққан команадаларға естелік кубоктар мен грамоталар берілді.
Гүлім МАРАТҚЫЗЫ.
