Ұлытау облысында тағы бір жел электр станциясының құрылысы басталды. Құны 24,5 млрд. теңгені құрайтын инвестициялық жоба биыл аяқталуы тиіс.
Аталмыш жобаның елге тигізер пайдасы шаш етектен. Ең бастысы электр қуатында үзіліс болмайды. Сондай-ақ елді жұмыс орнымен қамтуда да өзіндік орны бар. Өйткені, станция іске қосылған күні облыста 11 тұрақты жұмыс орны ашылмақ.
Қуаты 100 МВт жобаның 16 жел діңгегі Жезқазған, ал қосалқы станциясы Сәтбаев қаласының аумағында орнатылады. Қазіргі уақытта метеорологиялық мұнара орнатылған. Құрылыс барысында 50-ге жуық азамат қызмет етуде. Орайы келгенде айта кетейік, облыста тағы бір жел электр станциясы Жаңаарқа ауданының аумағында салынуда.
Ізтай БЕЛГІБАЙҰЛЫ.
Сондай-ақ оқыңыз
