2025 жылдың сәуір айында облыстық көпбейінді аурухананың нейрохирургиялық бөлімшесіне шұғыл ауыр жағдайдағы 1,5 жасар бала түсті. Тексеруден кейін диагноз анықталды: «Бастың сол жақ маңдай бөлігінің клиникалық декомпенсация сатысындағы миішілік ісік. Мидың ісінуі. Дислокациялық синдром». Өмірлік көрсеткіштері бойынша науқасқа ота жасалуы қажет болды.
Ота сәтті орындалып, мамандар – бөлімше меңгерушісі Оралбек Мұстафин мен нейрохирург Әбу Дүйсенов ісікті толығымен алып тастады. Қазіргі уақытта кішкентай науқастың жағдайы қанағаттанарлық, ауруханадан үйге шығарылды.
«Операция роботты микроскоптың (2024 жылы алынған) көмегімен жасалды. Бұл жабдық дәрігердің қолмен жасайтын манипуляцияларының санын азайтады, позициялаудың жоғары дәлдігін қамтамасыз етеді және ми-
дың терең бөліктеріне, соның ішінде тамырларды кесуге мүмкіндік береді. Бұл біз жасаған алғашқы операция емес. Ағымдағы жылдың басынан бастап миға 6 хирургиялық араласу болды», – деп атап өтті нейрохирург Әбу Дүйсенов.
Жалпы Ұлытау облысының денсаулық сақтау саласы үшін 2024 жыл материалдық-техникалық жарақтандыру жағынан жемісті болды. Облыс әкімдігі мен денсаулық сақтау басқармасының атқарған қарқынды жұмысының, ҚР Денсаулық сақтау министрлігінің қолдауының нәтижесінде заманауи медициналық технологияларды енгізу процесі айтарлықтай жанданып, сала бұрын соңды болмаған жабдықтармен жабдықталды.
Облыстың медициналық мекемелеріне жергілікті және республикалық бюджеттерден жалпы сомасы 2 млрд. 223 млн. теңгеге медициналық жабдықтар мен техника сатып алынды. Жезқазған қаласы облыстық көпбейінді ауруханасына агиограф және 128 кескінді КТ (1,4 млрд теңге) ірі күштік аппараттар сатып алынды. Былтырдан бері облыс орталығында екі көрсетілімі жоғары 1,5 Тесла магниттік өрісі бар магниттік-резонанстық томография (МРТ) жекеменшік кабинеттері ашылып халыққа қызмет көрсетуде.
Қазіргі уақытта медицинада заманауи технологиялар ерекше орын алатыны сөзсіз. Бірақ технологиялардың адамдардың игілігіне қызмет етуіне дәнекер болып отырған дәрігерлердің кәсібилігінің орны бөлек.
Ұлытау облыстық
Денсаулық сақтау басқармасының баспасөз қызметі.
