Жезқазған қаласындағы аурухана қалашығында жаңадан МРТ кабинеті ашылды. Бұл мысты қала тұрғындарына ғана емес, тұтас өңір жұртшылығына жағымды жаңалық болды.
Заманауи магнитті-резонанстық томографтың мүмкіндігі зор. Бұл «General Electric» технологиялық жабдықтың (АҚШ) қуаты – 1,5 тесла. «Аппаратта заманауи тексерулердің барлық түрін: іштің, жамбастың және буындардың, омыртқаның, мидың (МРТ ангиографиясын қоса) және тіпті сүт безінің МРТ-сын түсіру мүмкіндігі бар», – дейді мамандар.
МРТ – тексеру бойынша халыққа қызмет көрсетуді кабинет иесі – компания МӘМС шеңберінде мемлекеттік тапсырыс бойынша (шарт жасалынған), сондай-ақ, ақылы негізде көрсететін болады.
Орайы келгенде айта кетейік, МРТ кабинеті Омаров көшесі, 25 мекенжайдағы аурухана қалашығының аумағында орналасқан. Осындай екінші медициналық нысан биыл, жыл соңына дейін облыстық көпбейінді аурухана ғимаратында да ашылатын болады.
Ізтай БЕЛГІБАЙҰЛЫ.
