Қазақстан Республикасы Еңбек және халықты әлеуметтік қорғау министрі Тамара Дүйсенова Ұлытау облысына жұмыс сапары барысында «Kazakhmys Smelting (Қазақмыс Смэлтинг)» ЖШС Жезқазған мыс қорыту зауытында болды.
Министр өндіріс нысанының жұмыс процесімен танысып, зауыт ұжымымен кездесті. «Kazakhmys Smelting (Қазақмыс Смэлтинг)» ЖШС Бас директоры Нұрахмет Нұриев министрге компанияның жұмыскерлерді әлеуметтік қолдау, оларға қолайлы тұрмыстық жағдай туғызу бойынша жүргізіп жатқан жұмыстары туралы баяндады.
Тамара Дүйсенова зауыт ұжымымен кездесуде әзірленіп жатқан жаңа Әлеуметтік кодекс, зейнетақы жүйесін жетілдіру бойынша бастамаларға тоқталып, халықты әлеуметтік қолдау, жұмыспен қамту бағытында қолға алынып жатқан басқа да жобаларды таныстырды. Сондай-ақ, зауыт жұмысшыларының зейнет жасына қатысты, ауыр өндіріс жағдайында еңбек ететін жұмысшыларға үстеме ақы қосу жөніндегі сұрақтарына жауап берді.
Бағдат АЙТӨРЕҰЛЫ.
