Осындай атаумен «КәсіпҚорған» кәсіподағы Жезқазған филиалының ұйымдастыруымен Жезқазған мыс қорыту, құю-механикалық және «КазКат» зауыттарының еңбеккерлері арасында спорттық жарыс өтті.
Ұжымдар арасындағы ынтымақтастық пен әріптестікті нығайту, салауатты өмір салтын насихаттап, еңбеккерлердің белсенділігін арттыруды көздеген жарыс жолында металлургтер команда болып сайысты.
Әрбір команда жеңіске ұмтылды. Кедергілерден мүдірмей өтуге тырысты. Жарыс нәтижесінде «КазКат» зауытының намысын қорғаған «Мыс желісі» командасы І орынның тұғырынан көрінсе, Жезқазған мыс қорыту зауытының «Заңғар» командасы ІІ орынмен марапатталды.
Құю-механикалық зауытының «Сұңқар» және «Алға» командалары ІІІ орынның жүлдесін теңдей бөлісті. Жеңімпаздарды «КәсіпҚорған» кәсіподағы Жезқазған филиалы төрағасының орынбасары Сержан Жақсыбеков марапаттап, қатысушыларға алғысын білдірді.
Бағдат ҚАЗКЕНОВ
