Осыдан екі жыл бұрын, яғни, 2022 жылы «Maker (Мэйкер)» ЖШС «Мұнай және газ өнеркәсібінің өндірістік ұйымдары үшін сапа менеджменті жүйесіне қойылатын талаптарға Спецификация» API Q1 талаптарына сәйкестік үшін сапа менеджменті жүйесін әзірлеуге және енгізуге кірісті.
API аббревиатурасы American Petroleum Institute (американдық мұнай институты) дегенді білдіреді. Бұл АҚШ-тың ең ірі ұлттық үкіметтік емес ұйымы. Ол барлық маңызды аспектілерді зерттейді және мұнай мен газ саласындағы мәселелерді реттеу қызметін қамтамасыз етеді.
Американдық мұнай институты 1919 жылы 20 наурызда құрылды:
– жалпыұлттық маңызы бар барлық мәселелер бойынша АҚШ үкіметімен ынтымақтастық;
– американдық мұнай өнімдерінің сыртқы және ішкі саудасына ықпал ету;
Сондай-ақ оқыңыз
– мұнай өнеркәсібінің барлық бағыттарына қызығушылығын арттыру.
Американдық мұнай институтының бір бағыты – стандарттарды әзірлеу. Алғашқы API стандарттары 1924 жылы жарық көрді. Бүгінгі таңда институт қауіпсіз, бір-бірін алмастыратын жабдықтар мен дәлелденген инженерлік-техникалық тәжірибелерді пайдалануға жәрдемдесу мақсатында мұнай және газ өнеркәсібінің барлық сегменттерін қамтитын 500-ден астам стандарттар мен ұсынылған тәжірибелерді қолдайды.
API сипаттамалары бойынша сертификаттау процедурасының айырмашылығы-институт сертификаттау, инспекциялық аудит жүргізу, сәйкестікті бағалау процесі және қандай да бір ұйымдарға сертификат беру құқықтары мен өкілеттіктерін бермейді. Сертификат беру туралы шешімді кеңсесі АҚШ-та, Вашингтон қаласында орналасқан API құрылымында арнайы тіркеу комитеті шығарады.
2024 жылғы 24-27 маусым аралығында «Maker (Мэйкер)» ЖШС сапа менеджменті жүйесінің Q1 10th edition API жаңа нұсқасының талаптарына сәйкестігін растау үшін сертификаттық аудит жүргізілді. Келісімшартты талдау процесінен бастап тұтынушыға өнімді жөнелтуге дейінгі мұнай өндіруге арналған тербелмелі станоктарды шығаруға және сатуға қатысты барлық процестер тексерілді.
Ал, 19 тамызда «Maker (Мэйкер)» ЖШС API Q1 сертификатының иегері атанды. Бұл «Maker (Мэйкер)» ЖШС мамандарының үш жылға жуық еңбегінің нәтижесі. Атап айтқанда, менеджмент жүйесін барлық қажетті ресурстармен енгізуді қамтамасыз еткен және көшбасшылық пен жауапкершілікті өз мойнына алған жоғары басшылықтан бастап өндірістік бөлімшелердегі жұмысшы персоналға дейін өздеріне қойылған қатаң талаптарды іске асырды.
