Аймағымызда қара және түсті металлургияның дамуында айрықша орны бар Жезқазған мыс қорыту зауытының ұжымы биылғы кәсіби мерекені сән-салтанатымен қарсы алды.
Өндірістегі көрсеткіштерді орындаумен қатар, қауіпсіз еңбек етуді басты ұран етіп ұстанған зауыттың әрбір еңбеккері ортақ жетістікке үлесқосты. Сөйтіп, олар өздерінің төлмерекелерінде марапат пен құрметке кенелді.
Зауыт басшылығы мен «КәсіпҚорған» кәсіподағы комитеті ұйымдастырған салтанатты жиында сол өндіріс озаттарына сый-сияпат көрсетілді. «Қазақмыс Смэлтинг» ЖШС бас директоры Жәнібек Байғабелов, Жезқазған қаласының әкімі ҚайратШайжанов, «КәсіпҚорған» кәсіподағы Жезқазған филиалының төрағасы Ақылбек Төлепбергенов қатысқан алқалы жиында мерейлі металлургтерге құттықтаулар жолданып, марапатталды.
Осы мерекеге орай зауыттағы «КәсіпҚорған» кәсіподағы комитеті футболдан, шахматтан және «КазКат» пен мыс қорыту зауытында еңбекететін нәзік жандар арасында көңілді мәре жарысын ұйымдастырған болатын. Сахна төріне үш жарыстан үздік шыққандар көтерілді. Оларды кәсіподақтың филиал төрағасы Ақылбек Төлепбергенов пен комитет төрағасы Ардақ Ақылбекова марапаттады.
Бағдат ҚАЗКЕНОВ.
