Сондай-ақ оқыңыз
Көлік саласы қызметкерлерінің төл мерекесін «Транко Экспрес» ЖШС-ндегі «КәсіпҚорған» кәсіподағы комитеті кең көлемді атап өтті. ПАТП және ПЛАТ кәсіпорындарында мерекелік көңіл-күй ерекше сезілді.
Қос кәсіпорында таңғы бестен бастап жүргізушілерге ақ дастархан жайылып, мерекелік құттықтаулар жолданды. Сала озаттарын ұлықтауға арналған салтанатты жиында кәсіпорын басшыларымен қатар, «КәсіпҚорған» кәсіподағы Жезқазған филиалының бас инспекторы Шәкен Кененбаев, комитет төрағасы Әсел Жанжігітова сала мамандарына алғыстарын білдіріп, бірқатарына Құрмет грамоталарын тапсырды. Көлік тізгіндеген майталмандар Алексей Осколов пен Темірхан Өсеров үшінші дәрежелі «Еңбек даңқы» төсбелгісіне ие болды.
Бағдат АЙТӨРЕҰЛЫ.
