Облыс орталығында тұңғыш рет күрделі ота жасалды. Қатерлі ісікке жасалған алғашқы ота сәтті өтті. Бұл жаңа облыста бұрын соңды болмаған жаңалық.
Бүйрек обырына шалдыққан науқастың жарасы ағзаға зиян келмейтіндей аз инвазивті әдіспен алынып тасталды. Күрделі операция Ұлттық ғылыми онкология орталығының онкоурологы Талғат Құрмановтың жетекшілігімен жасалды. Бұл облыстық денсаулық сақтау басқармасы мен ұлттық ғылыми орталық арасында жасалған әріптестік шеңберінде жүзеге асты. Осылайша Ұлытау өңірі медицинасын 2024 жылды оң жаңалықпен бастады…
– Қазақстанда бұл ота 5 жылдай болды істеп жатқанына. Қазір енді ұлттық онкологияда істейді. Енді Жезқазғанда да құдай қаласа істелінеді деп ойлаймын, – дейді онколог, хирург Талғат Құрманов.
Болашақта жезқазғандық дәрігерлер аталған орталықта тағлымдамадан өтіп, күрделі дертке шалдыққандарға өздері ота жасайтын болады.
Орайы келгенде айта кетейік, өңірде қатерлі ауруға шалдығушылар саны азаяр емес. Қаңтар айы басталғалы осындай диагноз анықталған 13 адам тіркелген.
Гүлім МАРАТҚЫЗЫ.
