Тамыздың алғашқы жексенбісінде төл мерекелері – Көлік қызметкері күнін атап өткен «Транко Экспресс» ЖШС басшылығы мен ондағы «КәсіпҚорған» кәсіподақ комитеті бұл шараны қызықты етіп өткізді.
Таңғы 5-те жұмысшыларды тасымалдаумен басталатын «ПЛАТ», «ПАТИМ» сынды кәсіпорындардың жүргізушілеріне мерекелік дастарқан жайылып, оларды ерекше көңіл-күйде қарсы алды. Таңғы шай басында әріптестерге кәсіпорын басшылары мен кәсіподақ комитетінің төрағасы Әсел Жанжігітова құттықтауларын жеткізді.
Автокөлік, автобус, жүк машиналарын тізгіндеген жүргізушілер таңнан кешке дейін тасымалды толастатпай келеді. Сондықтан оларға деген құрмет те мерекеде ерекше болды. Кәсіпорын әкімшілігі мен «КәсіпҚорған» кәсіподағы спорттық сайыстар ұйымдастырды.
Жарыстарда жеңімпаз атанған қатысушылар арнайы марапатталды. Бұл жолғы мереке «Транко Экспресс» ЖШС еңбеккерлерінің көңілін бір жадыратып тастады.
Бағдат ҚАЗКЕНОВ.
