«Қазахмыс Мэйнтенанс Сервисиз» ЖШС ұжымы үшін 2024 жыл көптеген маңызды оқиғалар мен жетістіктерге толы жыл ретінде аяқталды. Компания жабдықтарды модернизациялау және жаңа технологияларды енгізуге бағытталған бірқатар маңызды жобаларды сәтті іске асырды.
Атап айтқанда, «Жезқазгансервис» және «Қарағандысервис» кәсіпорындарының цехтарында түйіндер жөндеулерінің көлемі артты. «Борусан Макина Қазақстан» ЖШС, «Сандвик Майнинг энд Констракшн» ЖШС және «Эпирок Орталық Азия» ЖШС сияқты жабдық өндіруші фирмалардың қатысуымен жұмыс істеп тұрған тау-кен жабдықтарына аудит жүргізілді, (ІЖҚ) ішкі жану қозғалтқыштарынан аспалы электр компоненттерін жөндеу бойынша жаңа цех іске қосылды. Салқындатқыш радиаторларды жөндеу цехы ашылды. Тау-кен жабдықтарының мостылары мен гидромеханикалық беріліс қорабын күрделі жөндеу жұмыстары зауыттың агрегаттық цехында жүргізілді. Қызметкерлерді стартерлер мен генераторларды жөндеу бойынша біліктілікті арттыру курстарында оқыту басталды. Сервистік учаскелеріне қажеттіліктерін қамтамасыз ету үшін жоғарғы қысымға төзімді арматураларды дайындау цехы Тау-кен шахта жабдықтары зауытында іске қосылды. Жерасты өздігінен жүретін техникалардың перфораторларын жөндеу цехы да осы Тау-кен шахта жабдықтары зауытында ашылды.
2025 жылы компания аталған жобаларды әрі қарай дамытуды және жаңа мақсаттар қоюды жалғастыратын болады. Бұл жыл – қызметкерлердің біліктілігін арттыру, жаңа технологияларды енгізу және ішкі процестерді жетілдіру жылы болмақ.
