«Жезқазғантүстімет» ӨБ қарасты құю-механикалық зауытының ұжымы «КәсіпҚорған» кәсіподағы комитетінің төрағалығына жаңа жетекші сайлады. Бұған дейін комитет төрағасы қызметін атқарып келген Асқар Құлмағанбетов басқа қызметке ауысты.
Осыған орай ұжым қоғамдық жұмыстарды ұйымдастыруда белсенділігімен танылған Светлана Ілиясоваға комитет тізгінін ұстатты. Кәсіподақтың стратегиялық жоспарын, бағыт-бағдарын орындауға пейіл танытқан Светлана Жылқыбайқызына «КәсіпҚорған» кәсіподағы Жезқазған филиалының бас техникалық инспекторы Шәкен Кененбаев сәттілік тіледі. Светлана Ілиясова бұған дейін «Amanat» партиясы «Қазақмыс» корпорациясы» ЖШС Ұлытау облыстық филиалының зауыттағы бастауыш ұйымына басшылық еткен болатын.
Бағдат ҚАЗКЕНОВ.
