9 желтоқсанда Степногорск қаласындағы жылу желілерінде апатты жағдай орын алып, отызға тарта үй жылусыз қалды. Қаланың коммуналды сала қызметкерлеріне ірі кәсіпорындардың энергетик мамандары көмекке келді.
Бүгінгі таңда барлық көпқабатты үйлерде жылумен қамту жұмыстары қалпына келтірілді. Қалған тұрғын үйлерде апаттық-қалпына келтіру жұмыстары жүргізілуде. Жақында Степногорск қаласындағы жұмыстарға «Қазақмыс» корпорациясының қызметкерлері қосылып, өткен жылы Екібастұздағы ЖЭО апатында жылумен жабдықтауды қалпына келтіруге қатысқан Жезқазған мен Балқаштан келген энергетиктердің тәжірибелі бригадаларын жіберді.
«Kazakhmys Distribution» ЖШС (Қазақмыс Дистрибьюшн) Балқаш аймақтық жылу және сумен қамту бөлімінің бас инженері Жансерік Күшкімбаев: «Арнайы қондырғы әкелдік. Жылыту радиаторларын орнату және ауыстыру үшін бригадаларды әр пәтерлерге бөлдік».
Энергетиктер бригадасы тобының жетекшісі Әшім Исанов, «Kazakhmys Distribution» ЖШС (Қазақмыс Дистрибьюшн) техникалық директоры: «Қалпына келтіру жұмыстарына «Қазақмыстан» жиырмадан астам үздік мамандар келді. Біздің компания бұл жағдайға бей-жай қарай алмады және Степногорск тұрғындарына көмекке келді»
Қазіргі уақытта пәтерлердегі батареялар ауыстырылып жатқан Степногорск қаласының №2 шағын ауданының № 40 үйдің тұрғындары өздерінің ұжымдық алғыстарын білдірді.
Кәсіпорындар өздерінің авариялық-құтқару бригадаларын қажетті жабдықтармен, техникамен және жанармаймен қамтамасыз етті. Мамандар пәтерлердегі радиаторларды ауыстыру, сондай-ақ жылу жүйлерін қалпына келтіру жұмыстарына жұмылдырылды.
«Қазақмыс» корпорациясы» ЖШС баспасөз қызметі.
