Жезқазғаннан 180 шақырым шалғайдағы «Жомарт» кеніші – «Қазақмыс» корпорациясының құрамындағы кен қоры бай әрі ел тәуелсіздігі жылдарында бой көтерген кеніштің бірі.
Вахталық әдіспен жұмыс істейтін кеншілер қауымы үшін мұнда жатақханалар мен арнайы асхана қарастырылған. Жұмыс барысымен бірнеше рет жол түскенде асханасында да болып, аспаздардың тіл үйірер тағамдарынан да дәмтаттық. Соңғы жылдары асхананы бір жаңғыртудың реті келгені байқалатын. Бұл істі «UlyDala» ЖШС қолға алып, асхананы талапқа сай жаңартты.
Кең әрі заманауи жабдықтармен қамтылған асханада жомарттықтардың ауысым алдында немесе ауысымнан кейін жайлана отырып, тамақтанулары үшін ыңғайлы жағдай жасаған «UlyDala» ЖШС тамақ комбинатының басшылығы мен еңбек ұжымына кеншілер қауымы алғыстарын жеткізуде.
Бағдат ҚАЗКЕНОВ.
