Сондай-ақ оқыңыз
Дүниежүзілік Еңбекті қорғау күнін мерекелеу аясында Жылу-энергетика кәсіпорны басшылығымен және ондағы «КәсіпҚорған» кәсіподақ комитетімен бірлесіп, қол дәнекерлеушілері арасында «Мамандығы бойынша үздік» кәсіби шеберлік байқауын өткізді.
Байқау екі кезеңде өтті. Атап айтқанда, теориялық және практикалық. Теориялық бөлім тестілеу түрінде өтті. Практикалық бөлімде қатысушылар берілген бөлшекті сапалы дәнекерлеу бойынша сынға түсті. Бұл кезеңде қауіпсіздік шараларының орындалуына, берілген тапсырманың сапасына, еңбек мәдениеті мен техникалық үдерістердің сақталуына бас мән берілді.
Байқау қорытындысы бойынша І орынды және «Мамандығы бойынша үздік» атағын №1 дәнекерлеу телімінің электр дәнекерлеушісі Никита Лагонский жеңіп алды. ІІ орынды жылу және сумен жабдықтау цехының электр-газ дәнекерлеушісі Талғат Ыдырысов еншіледі.
Жылу және сумен жабдықтау цехының қолмен дәнекерлеудің электр дәнекерлеушісі Жұмағали Жаңабатыровқа ІІІ орынның жүлдесі тиді. IV орын № 3 қолмен дәнекерлеу телімінің электр дәнекерлеушісі Вадим Бекке бұйырды.
