Жылу, энергетика кәсіпорнындағы «КәсіпҚорған» кәсіподақ комитеті мен кәсіпорын әкімшілігі бірлесіп газбен кесуші жұмысшы мамандығы арасында кәсіби шеберлік байқауын өткізді.
Оған 6 жұмыскер қатысып, бақ сынады. Байқау екі бөлімнен тұрды. Теория тестілеу түрінде өтсе, екінші бөлім практикалық тапсырмамен жалғасты. Газбен кесушілер түрлі тапсырмаларды мүдірмей орындауға тырысты.
Байқау қорытындысы бойынша бірінші орынды №2 телімнің газбен кесушісі Олег Исмагилов, екінші орынды № 3 телімнің газбен кесушісі Руслан Воловик, үшінші орынды газбен кесуші Тимур Көбенов иеленді. «Үздік жас еңбеккер» номинациясын № 2 телімнің газбен кесушісі Вагыз Нурмагомедов алды.
Бағдат ҚАЗКЕНОВ.
