Жезқазған өндірістік аймағында кен өндіру көлемі бойынша көш басынан табылып жүрген Жомарт кенішінің шалғайлығына қармастан ондағы «КәсіпҚорған» кәсіподағы комитетінің төрағасы Манас Қоштаев ай сайын жеті қат жер астында тер төгіп жүрген кеншілердің еңбек жағдайымен танысуды дәстүрге айналдырған.
Жақында төраға үңгілеу, кенді қайта өңдеу және жол телімдерінде болып, жұмысшылармен тілдесті. Сондай-ақ, кеншілер қауымына «КәсіпҚорған» кәсіподағының жұмысшы мүддесі мен құқықтарын қорғаудағы жұмыстарына тоқталып, ұйым тарапынан берілетін жеңілдіктер жайында да сөз қозғады. М.Қоштаев №11 телімге арнайы атбасын бұрып, ұжымға тұрмысқа қажетті техникаларды сыйға тартты.
Бағдат АЙТӨРЕҰЛЫ.
