Облыс әкімі Берік Әбдіғалиұлының төрағалығымен өткен кеңесте «Ауыл – ел бесігі» жобасы аясында атқарылып жатқан жұмыстар сараланды. Сала мамандары аталмыш бағдарламаның барысы жайлы сөз қозғады. Қадау-қадау тапсырмалар жүктелді.
Ауылда өмiр сүру деңгейiн одан әрi арттыру үшiн министрлiк «Ауыл – Ел бесiгi» жобасын iске асыру бойынша жоспарлы жұмыстар жүргiзуде. Жобаның мақсаты – инфрақұрылымды жаңғырту есебiнен және оны жаңа өңiрлiк стандарттар параметрiне дейiн жеткiзе отырып, ауыл тұрғындарының өмiр сүру сапасын жақсарту.
Осы ілкімді жоба біздің өңірде қалай жүзеге асырылуда? Өңір басшысының төрағалығымен өткен жиында осы мәселе жан-жақты талқыланды. Жиында есеп берген сала манандарының сөзіне қарағанда «Ауыл – ел бесігі» бағдарламасының аясында Ұлытау ауданында биыл 6, Жаңаарқа кентінде 5 ауылішілік автомобиль жолдарын жөндеу жобасы жүзеге асырылып жатыр екен. Облыс әкімі Берік Әбдіғалиұлы жол жөндеу жұмыстарынан бөлек, аталған бағдарлама бойынша салынып жатқан құрылыс нысандарының қарқынын қатаң бақылауда ұстауды тапсырды.
Атап айтар болсақ, осы жоба аясында биыл Ұлытау ауданында 20 орындық аурухана және 10 тұрғын үйге инженерлік коммуникациялық инфрақұрылым жүргізу, Жаңаарқа ауданындағы денешынықтыру және сауықтыру кешенінің құрылысы сонымен қатар кенттің өзінде және Ералиев ауылындағы электр желілерін салу жобасы (бір бөлігі) аяқталуы тиіс.
Сондай-ақ оқыңыз
– Қос аудандағы әкімдіктермен бірлесіп, «Ауыл – ел бесігі» бағдарламасы бойынша ке-
лесі жылы қолға алынатын жобаларды пысықтауды тапсырамын. Оның ішінде жолдарға, әлеуметтік нысандарды толық күрделі жөндеуден өткізу жұмыстарына басымдық берілсін, – деді өңір басшысы өз сөзінде.
Сондай-ақ облыс әкімі аудан әкімдеріне өңірдегі елдімекендерді дамыту бағдарламасын келер аптада көрсетуді, (осыған дейін айтылған тапсырмасы бойынша) кейін бекітілген құжатты жеке-жеке қорғау міндетін жүктеді.
Ізтай БЕЛГІБАЙҰЛЫ.
